“O‘zbekiston Respublikasida yuqumli kasalliklar immunoprofilaktikasi to‘g‘risida”gi SanQvaM0239-7/4 talablari hamda Milliy emlash kalendariga muvofiq, 7 va 16 yoshdagi bolalarni difteriya va qoqshol kasalligiga qarshi ADS-M vaksinasi bilan emlash belgilangan.
Shu munosabat bilan, sentabr oyida mulkchilik shaklidan qat’i nazar, Xiva shahridagi barcha turdagi o‘quv muassasalarida 7 yosh va 16 yoshdagi bolalarni difteriya va qoqshol kasalligiga qarshi ADS-M vaksinasi bilan ommaviy emlash ishlari yo‘lga qo‘yildi.
Mazkur tadbir aholining sog‘ligini asrash, yuqumli kasalliklarning oldini olish va yosh avlodning immunitetini mustahkamlashga qaratilgan.
