Xiva shahrida alohida ko‘makka muxtoj 13 nafar qizil toifaga kiritilgan yoshlar tibbiy ko‘rikdan o‘tkazildi.

Yoshlar bilan ishlash masalasi davlat siyosati darajasiga ko‘tarilmoqda. Bu esa ularning o‘z iqtidor va salohiyatini namoyon etishi, bilim olishi va kasb-hunar o‘rganishiga keng yo‘l ochib bermoqda. Ayniqsa, bunda ijtimoiy himoyaga muhtoj yoshlarga alohida g‘amxo‘rlik qilinayotgani kishini quvontiradi.

Joriy yilning 29-dekabr kuni Xiva shahar Tibbiyot birlashmasi boshlig‘i R.Pirnazarov tomonidan aholi salomatligini doimiy ravishda kuzatib borish va sog‘lomlashtirish tadbirlarini ular yashayotgan manzil va mahallalarda o‘tkazish, salomatlik ko‘rsatkichi og‘ir fuqarolarni statsionar va ambulator davolash choralari ko‘rish maqsadida Xiva shahrida alohida ko‘makka muxtoj 13 nafar qizil toifaga kiritilgan yoshlar tibbiy ko‘rikdan o‘tkazildi. Tibbiy ko‘rik natijasida 7 nafar fuqaroga sog‘lig‘ini tiklash uchun dori-darmonlar, 6 nafar fuqaroga shifoxonalarda davolanishi uchun bepul yo‘llanmalar berildi.